"EL TIEMPO: TIEMPO ATMOSFÉRICO Y PASATIEMPOS"

Na semana do 27 de febreiro ao 3 de marzo, o alumnado de 5º E.P. dedicaron dúas sesións ao traballo da prensa. Na primeira analizaron o tempo da comarca e na segunda axilizaron a mente cos pasatempos.

Para ver a actividade, preme na imaxe 👍

"A VOLTAS COAS CUNCHAS"

O alumnado de 5º E.P., lendo "La escuela salvaje" no xornal do15 de febreiro, atopou un artigo que facía referencia ao que leron a semana anterior. Nesta ocasión falabase das utilidades das cunchas. 

Despois dunha lectura, viron unha colección de cunchas que foron relacionando coas que aparecían no artigo.

Logo localizaron todos os usos que se poden dar ás cunchas...

...para elaborar un esquema coa información.

Para finalizar, buscaron información sobre o "Nautilus" e a súa espiral áurea ou dorada, á que se facía referencia na lectura. 

Premendo na imaxe, accederás á actividade.

REPASANDO OS SÉCULOS ESCUROS

No primeiro trimestre, o alumnado de 5º E.P., afondando na literatura galega dos Séculos Escuros, souberon que nesa época se escribira a primeira obra de teatro en galego "Entremés sobre a pesca no río Miño". 

Botando unha ollada ao xornal do 25 de xaneiro atoparon unha noticia relacionada con esa obra de teatro.

Despois de facer unha lectura en voz alta por quendas, traballaron a comprensión lectora utilizando unha ficha como esta:

Premendo na imaxe, accederás a actividade.👍 

QUE SABEMOS DO REXURDIMENTO?

O alumnado de 5º E.P. , lendo o xornal do 21 de decembro, atopou unha noticia relacionada co último contido de Literatura que traballaron en Lingua Galega: "O Rexurdimento".

Relacionaron a noticia co que xa estudaron con anterioridade.

Para ver a actividade, preme na imaxe. 👍

UNHA PRÁCTICA DE ÉXITO

No xornal do mércores 1 de xuño, na sección de "La voz de la escuela", o alumnado de 6º E.P. atopou unha noticia sobre a recollida de lixo que fixera o alumnado de Baixo Miño. 

Léndoa recordaron que eles tamén participaron nunha actividade de contribución e coidado do medio ambiente organizada pola Asociación Amicos: recollida e clasificación de lixo na praia dos Muíños. 

Premendo na imaxe, accederás á actividade.

OUKA LEELE, A PINTORA DAS FOTOS

 O alumnado de 6º E.P. traballando a prensa o 25 de maio, viron unha noticia sobre o falecemento de Ouka Leele, unha artista da fotografía e a pintura. 

Ao fío da lectura, fixeron un gran traballo. Premendo na imaxe accederás á actividade.👍 

PROGRAMA "PRENSA - ESCUELA"

Este curso continuamos no programa "Prensa- escuela" promovido pola Voz de Galicia.

Inscribíuse o alumnado de 6º E.P. e Aurelia, a mestra que imparte LC e LG neste curso. 

Todos os mércores recibirán 21 xornais cun suplemento escolar "La voz de la escuela" con información de interese para entender o xornal e con orientacións sobre como enfocar as noticias desde o punto de vista pedagóxico.

Os obxectivos do programa son os seguintes:

• Aprender a ler a prensa e desenvolver un sentido crítico.
• Integrar as noticias de cada día como complemento e actualización do libro de texto no currículo escolar.
• Coñecer os problemas reais que os xornais presentan a diario e implicarse na súa solución.
• Usar a prensa como un recurso didáctico que facilite o densenvolvemento das súas aptitudes e destrezas persoais, tales como a creatividade, a educación para o ocio, o estudio do medio e a inserción en grupos e servicios sociais.
• Ter acceso ó mundo dos medios de comunicación.
• Aprender a expresar libremente a súa opinión e a debater en grupo os seus problemas.
• Que a escola tome conciencia da importancia da información na educación do alumnado como cidadáns que forman parte dunha sociedade plural e democrática.