AS LECCIÓNS DO QUIXOTE

Este trimestre, o alumnado de 6º E.P., leu algún capítulo adaptado do Quixote. Por iso pareceulles interesante afondar na noticia "As leccións do Quixote" publicada na Voz de Galicia o 24 de abril na sección de "La voz de la Escuela". 

Premendo na imaxe, accederás á actividade. 👍

ANÁLISE DA INFORMACIÓN

 Á metade do alumnado de 6º E.P. gústalle o fútbol e xogan nalgún equipo. Aínda que é unha actividade na que disfrutan, ás veces vese enturbiada pola mala práctica dalgunhas persoas que ocupan cargos destacados no mundo deste deporte. É o caso de Rubiales, o expresidente da RFEF, que recentemento foi investigado por varias causas. Xa que o tema é do interese do alumnado de 6º E.P., fixáronse nesta noticia. 

Comezaron facendo unha lectura en voz alta, por quendas, parando en cada pregunta para comentar a explicación e comprobar que a entenderan. A continación analizaron as causas polas que Rubiales foi investigado e as consecuencias que pode traer para el e para a RFEF, e recolléronnas nun diagrama. 

Premendo na imaxe, accederás á actividade 👍

DÍA MUNDIAL DO ARCO DA VELLA

 O día 3 de abril, a Voz de Galicia publicaba unha reportaxe sobre o DÍA MUNDIAL DO ARCO DA VELLA, no que, ademais de falar sobre este fenómeno natural, facía referencia ás cores da tolerancia e o respecto, xa que o colectivo LGTBI teno como símbolo.

O alumnado de 6º E.P. comezou cunha lectura en voz alta por quendas.

Lembraron o tema de CN no que estudaron este fenómeno e comprobaron que o explicado na reportaxe coincidía co que eles aprenderan na clase. 

A continuación falaron sobre a tolerancia e o respecto cara a todas as parellas que se aman, priorizando o cariño por enriba do xénero. 

Para finalizar, levaron á práctica o experimento proposto ao remate da reportaxe e conseguiron visualizar un pequeno arco da vella. 

Para acceder á actividade, preme na imaxe. 

DESENVOLVENDO AS NOSAS COMPETENCIAS

O alumnado de 6º E.P. lendo a Voz de Galicia o mércores 6 de marzo atoparon un artigo sobre tortilla de patacas. 

A actividade que levaron a cabo con esta noticia permitiulles desenvolver parte das competencias que deben adquirir na Educación Primaria. 

• COMPETENCIA EN COMUNICACIÓN LINGÜÍSTICA
  
  Comezaron lendo a noticia en voz alta, por quendas, parando en cada pregunta para darlle resposta e ir comentando os diferentes gustos e opinións sobre a tortilla. 

• COMPETENCIA DIXITAL                                                           
  

Buscaron información en varias webs sobre a orixe da tortilla francexa: cando e onde comezou a elaborarse e as causas.

• COMPETENCIA PLURILINGÜE                                                
  

Utilizaron indistintamente as linguas galega e castelá para o traballo, lendo e contestando oralmente en galego e redactando o resultado da investigación sobre a orixe da tortilla francesa en castelán. Tamén se fixaron na tradución ao inglés e francés deste termo.

• COMPETENCIA SOCIAL E DE APRENDER A APRENDER. A seguinte parte da actividade fixérona en familia, aprendendo a xestionar o seu tempo no contexto da casa, aplicando o coñecemento previo sobre a tortilla. Pediron aos seus pais, nais, avós ou irmáns maiores que lles contasen como elaborar a tortilla que comen na casa. Con esa información redactaron unha receita persoal que compartiron na clase co resto de compañeiros e compañeiras léndoas en voz alta. 

• COMPETENCIA MATEMÁTICA, EN CIENCIA E COMPETENCIA CIDADÁ.                                                          
  
  Para rematar este traballo de investigación , elaboraron conxuntamente unha tortilla de patacas no comedor do colexio, contando coa axuda das nosas cociñeiras Carolina e Asunción. Traballaron as cantidades de ovos e patacas . Dun xeito construtivo decidiron como abordar e repartir as tarefas para que todos e todas poideran pelar e cortar patacas, bater ovos...Sempre colaborando e axudando.

Premendo na imaxe accederás á actividade.

Aquí tedes o vídeo de elaboración da tortilla. 

MÉTRICA, RIMA E INVESTIGACIÓN

O mércores 17 de xaneiro, o alumnado de 6º E.P. lendo a prensa, escolleu o artigo da sección de La escuela salvaje. Para facer o traballo agrupáronse en equipos de tres fixándose na folla de ruta que aportou a mestra Aurelia. 

Premendo na imaxe, accederás á actividade.

ALFABETIZACIÓN MEDIÁTICA E INFORMACIONAL

 O alumnado de 6º E.P., traballou simultáneamente sobre dúas noticias publicadas na Voz de Galicia os días 13 e 20 de decembro. A finalidade era abordar un dos bloques das áreas de Lengua e Lingua, a alfabetización mediática e informacional, localizando, seleccionando e contrastando a información de distintas fonte. Fixeron dous grupos para que cada un traballara sobre unha das noticias. 

Para secuenciar a actividade, anotaron nun folio os pasos que debían seguir: 

a) Ler

b) Esquematizar

c) Ampliar

d) Distribuír o texto e memorizar

e) Expoñer oralmente. 

Feita unha primeira lectura individual, foron marcando as ideas fundamentais que lles axudaría a elaborar  un esquema de toda a información.

A coordinadora de cada grupo foi escoitando e consensuando as ideas aportadas por todos os membros, de forma que poideron anotalas elaborando un esquema conxunto. 

Logo decidiron que aspecto da noticia lles interesaba ampliar e buscaron información en varias páxinas web para contrastar o contido e confirmar que este era veraz. 

Finalmente, repartiron toda a información para memorizala e expoleña oralmente diante dos demais compañeiros e compañeiras da clase. 

Preme na imaxe para ver a actividade.

INVESTIGANDO

Na sección de "LA ESCUELA SALVAJE de LA VOZ DE LA ESCUELA" do 22 de novembro, o alumnado de 6º E.P. atopou a seguinte reportaxe:

Despois dunha lectura en voz alta por turnos, destacaron as partes onde se lles pedía que investigaran acerca da orixe do término "gasterópodo", do ambiente onde vivían, a utilidade dos seus tentáculos  e o tipo de alimentación. 

Premendo na imaxe, acederás á actividade. 

CARTAS AL DIRECTOR / IDEAS PRINCIPALES

O alumnado de 6º E.P. realizou dúas actividades co xornal "La Voz de Galicia" do 8 de novembro en dúas sesións de Lengua Castelá.  

Nunha estudaron os textos persuasivos elaborados coa finalidade de convencer. Entre eles atópanse os artigos de opinión e as cartas ao director. Neste caso, centraron a atención nunha das cartas ao director "Festivos para todos".

Na outra sesión centráronse nun artigo titulado "La nutrición se une al desarrollo". Nel localizaron catro dos obxectivos de desenvolvemento sostenible da ONU para poñer fin á fame antes do 2030.

Premendo na imaxe, accederás ás actividades 👌

INVESTIGAMOS E RESUMIMOS

Aquí tedes o último traballo de 6º E.P.  relacionado coa prensa. Escolleron o artigo do apartado "La escuela salvaje" na sección de "La Voz de la Escuela", que levaba por título "Pequeñas alas de diferentes colores". 

Comezaron, coma sempre, facendo unha lectura compartida en voz alta, por quendas. Logo, por parellas, leron con máis calma e localizaron o nome de catro tipos de bolboretas: Vanesa atalanta, Vanesa cardui, bolboreta monarca e Euphydryas aurinia.

Premendo nas imaxes, accederás á actividade.

OUTRA NOVA SOBRE PINTURA

O alumnado de 6º E.P. lendo  a prensa o mércores 11 de maio, fixouse nesta noticia.

Chamoulles a atención porque a imaxe de Marylin, que aparece na foto, xa a viran con anterioridade cando investigaron sobre o pop-art. Así que, unha vez situados no estilo de pintura, comezaron a ler por quendas en voz alta. 

A continuación, a mestra Aurelia, propuxo unha serie de preguntas que anotou no encerado.

Premendo na imaxe, accederás á actividade