O CASTRO DE MONTES CLAROS

Na prensa do mércores 29 de maio houbo unha noticia sobre o Castro de Montes Claros. Os nenos e nenas de 6º E.P. alegráronse moito porque o tema do Proxecto Documental Integrado ( PDI) deste curso é a "Cultura Castrexa".

Comezaron cunha lectura en voz alta, por quendas, na que foron marcando algunhas palabras e expresións sobre as que logo afondarían.

Premendo nas imaxes, accederás á actividade.

COMUNICACIÓN ORAL: ABRINDO DEBATE

O mércores 22 de maio, o alumnado de 6º E.P. sorprendeuse moito cando, abrindo o xornal, viron que este día era o DÍA MUNDIAL DO FUTBOL.

Comezaron cunha lectura en voz alta por quendas e ao finalizar abriron unha rolda de intervencións para indicar os detalles máis importantes. 

Premendo nas imaxes accederás a actividade.

LUISA VILLALTA

Na semana das Letras Galegas, o alumnado de 6º E.P. atopou na sección da "Voz de la Escuela" unha páxina de pasatempos sobre  Luisa Villalta, homenaxeada este ano pola Real Academia Galega. 

Premendo en calquera das imaxes, accederás á actividade. 

O COMERCIO XUSTO

Sabedes que é o comercio xusto? Esta foi a pregunta que fixo a mestra Aurelia ao alumnado de 6º E.P. antes de ler a noticia "O COMERCIO XUSTO" que viña na prensa do mércores 8 de maio. 

As respostas foron variadas...  

Accederás á actividade, premendo na imaxe. 👍

AS LECCIÓNS DO QUIXOTE

Este trimestre, o alumnado de 6º E.P., leu algún capítulo adaptado do Quixote. Por iso pareceulles interesante afondar na noticia "As leccións do Quixote" publicada na Voz de Galicia o 24 de abril na sección de "La voz de la Escuela". 

Premendo na imaxe, accederás á actividade. 👍

"MITO Y REALIDAD"

Hai uns días, o alumnado de 6º E.P., estivo traballando os mitos e familiarizándose con personaxes mitolóxicos. O mércores 17 de abril, revisando a prensa, atoparon un artigo no que se mencionaba a Odisea e ao dios Hermes. Despois dunha lectura inicial, marcaron aqueles aspectos sobre os que debían de investigar. E así buscaron información sobre o inframundo para contestar a varias cuestións que se plantexaban no artigo.

             

                Premendo nas imaxes, accederás á actividade.

ANÁLISE DA INFORMACIÓN

 Á metade do alumnado de 6º E.P. gústalle o fútbol e xogan nalgún equipo. Aínda que é unha actividade na que disfrutan, ás veces vese enturbiada pola mala práctica dalgunhas persoas que ocupan cargos destacados no mundo deste deporte. É o caso de Rubiales, o expresidente da RFEF, que recentemento foi investigado por varias causas. Xa que o tema é do interese do alumnado de 6º E.P., fixáronse nesta noticia. 

Comezaron facendo unha lectura en voz alta, por quendas, parando en cada pregunta para comentar a explicación e comprobar que a entenderan. A continación analizaron as causas polas que Rubiales foi investigado e as consecuencias que pode traer para el e para a RFEF, e recolléronnas nun diagrama. 

Premendo na imaxe, accederás á actividade 👍

DÍA MUNDIAL DO ARCO DA VELLA

 O día 3 de abril, a Voz de Galicia publicaba unha reportaxe sobre o DÍA MUNDIAL DO ARCO DA VELLA, no que, ademais de falar sobre este fenómeno natural, facía referencia ás cores da tolerancia e o respecto, xa que o colectivo LGTBI teno como símbolo.

O alumnado de 6º E.P. comezou cunha lectura en voz alta por quendas.

Lembraron o tema de CN no que estudaron este fenómeno e comprobaron que o explicado na reportaxe coincidía co que eles aprenderan na clase. 

A continuación falaron sobre a tolerancia e o respecto cara a todas as parellas que se aman, priorizando o cariño por enriba do xénero. 

Para finalizar, levaron á práctica o experimento proposto ao remate da reportaxe e conseguiron visualizar un pequeno arco da vella. 

Para acceder á actividade, preme na imaxe. 

FALAMOS SOBRE... A DIETA MEDITERRÁNEA

O mércores 20 de marzo, o alumnado de 6º E.P., lendo a Voz de Galicia, atopou esta noticia sobre a dieta mediterránea. 

ACCEDERÁS Á ACTIVIDADE, PREMENDO NA IMAXE 👍

UTILIZAMOS O GOOGLE MAPS

O 13 de marzo, o alumnado de 6º E.P., lendo a prensa, atopou esta noticia. 

Nela falabase dun proxecto para construir un centro de interpretación nas antigas instalacións da baleeira de Caneliñas. 

Accederás a actividade, premendo na imaxe 👍

DESENVOLVENDO AS NOSAS COMPETENCIAS

O alumnado de 6º E.P. lendo a Voz de Galicia o mércores 6 de marzo atoparon un artigo sobre tortilla de patacas. 

A actividade que levaron a cabo con esta noticia permitiulles desenvolver parte das competencias que deben adquirir na Educación Primaria. 

• COMPETENCIA EN COMUNICACIÓN LINGÜÍSTICA
  
  Comezaron lendo a noticia en voz alta, por quendas, parando en cada pregunta para darlle resposta e ir comentando os diferentes gustos e opinións sobre a tortilla. 

• COMPETENCIA DIXITAL                                                           
  

Buscaron información en varias webs sobre a orixe da tortilla francexa: cando e onde comezou a elaborarse e as causas.

• COMPETENCIA PLURILINGÜE                                                
  

Utilizaron indistintamente as linguas galega e castelá para o traballo, lendo e contestando oralmente en galego e redactando o resultado da investigación sobre a orixe da tortilla francesa en castelán. Tamén se fixaron na tradución ao inglés e francés deste termo.

• COMPETENCIA SOCIAL E DE APRENDER A APRENDER. A seguinte parte da actividade fixérona en familia, aprendendo a xestionar o seu tempo no contexto da casa, aplicando o coñecemento previo sobre a tortilla. Pediron aos seus pais, nais, avós ou irmáns maiores que lles contasen como elaborar a tortilla que comen na casa. Con esa información redactaron unha receita persoal que compartiron na clase co resto de compañeiros e compañeiras léndoas en voz alta. 

• COMPETENCIA MATEMÁTICA, EN CIENCIA E COMPETENCIA CIDADÁ.                                                          
  
  Para rematar este traballo de investigación , elaboraron conxuntamente unha tortilla de patacas no comedor do colexio, contando coa axuda das nosas cociñeiras Carolina e Asunción. Traballaron as cantidades de ovos e patacas . Dun xeito construtivo decidiron como abordar e repartir as tarefas para que todos e todas poideran pelar e cortar patacas, bater ovos...Sempre colaborando e axudando.

Premendo na imaxe accederás á actividade.

Aquí tedes o vídeo de elaboración da tortilla. 

TRABALLAMOS A DESCRICIÓN

O alumnado de 6º E.P., lendo a Voz de Galicia do 28 de febreiro, atopou un artigo titulado Fauna familiar no que a autora comparaba a membros da súa familia con algún animal segundo foran as súas características físicas ou o seu carácter.

Á raíz da lectura, comentaron as similitudes que había entre os animais descritos no texto e algunhas persoas. Deste xeito foron comparándose con distintos animais atendendo á súa forma de ser e aos seus rasgos físicos. Para finalizar a actividade, fixeron a súa propia descrición comparándose cun animal.

Aí vai unha mostra do traballo realizado. 

Premendo na imaxe, accederás á actividade:

DÍA DE ROSALÍA

O alumnado de 6º E.P., o 21 de febreiro, seleccionou na Voz de Galicia esta noticia sobre o Día de Rosalía. 

Despois dunha lectura por quendas en voz alta, localizaron no artigo datos importantes sobre a súa vida que lles serviu para organizar a información nun diagrama:

A continuación, cada un elaborou o seu propio diagrama, incorporando un mapa de Galicia para situar os lugares do seu nacemento e morte. 

Finalmente, expuxeron os traballos na parede co corredor para compartilos co resto de compañeiros e compañeiras. 

Premendo na imaxe, accederás á actividade. 

ABRACADABRA!

O 31 de xaneiro, Día Internacional do Mago, saía publicado un artigo na "Voz de la Escuela" que facía referencia a este feito polo que o alumnado de 6º E.P. fixo unha lectura en voz alta por quendas. A continuación buscaron os nomes de todos os magos que se mencionaban, desde os máis antigos , aos actuais. Familiarizáronse con nomes como Juan Bosco, Dedi, Houdini, Mago Pop, Marcos Waldemar, Pedro Bugarín, o mago Rafa, Patri Zenner e Kiko Pastur. 

Para finalizar o traballo, buscaron información sobre todos estes magos investigando sobre a data e o lugar de nacemento, a súa especialidade dentro da maxia e a súa traxectoria artística. 

Premendo na imaxe, accederás á actividade.

UNHA DE GRAMÁTICA

Na semana do 22 ao 26 de xaneiro, o alumnado de 6º E.P. leu un artigo da sección de La Escuela Salvaje titulado "Espontaneidad vegetal". 

Despois dunha lectura en voz alta por turnos, comentaron o seu contido relacionándoo co entorno máis próximo, o patio do colexio, onde "espontáneamente" medran moitas especies vexetais entre as gretas das aceras, sobre todo o dente de león como o que recoñeceron na fotografía que acompañaba ao texto. A continuación, nunha segunda lectura marcaron as formas non persoais dos verbos , xa que están traballando ese tema en LCL.

Logo clasificáronas na libreta fixándose en que o infinitivo é a forma non persoal máis utilizada. Tamén buscaron formas persoais clasificándoas en simples e compostas.

Premendo na imaxe, accederás á actividade. 

MÉTRICA, RIMA E INVESTIGACIÓN

O mércores 17 de xaneiro, o alumnado de 6º E.P. lendo a prensa, escolleu o artigo da sección de La escuela salvaje. Para facer o traballo agrupáronse en equipos de tres fixándose na folla de ruta que aportou a mestra Aurelia. 

Premendo na imaxe, accederás á actividade.

ANALIZAMOS LAS CONSECUENCIAS DE LOS PÉLETS

O alumnado de 6º E.P., na semana do 8 ao 12 de xaneiro fixaron a súa atención nas novas publicadas sobre os pélets que chegaron a nosa costa despois de que o mercante Toconao perdera seis contenedores con esta mercancía. 

Concretamente centráronse na lectura sobre a analítica que revela que as boliñas non son nocivas.

Despois dunha lectura en voz alta por turnos, fixeron unha segunda lectura para destacar as ideas fundamentais cun marcador. 

A continuación abriron unha ronda de intervencións facendo fincapé no grao de contaminación e toxicidade deste produto. 

Accederás á actividade premendo na imaxe.

ALFABETIZACIÓN MEDIÁTICA E INFORMACIONAL

 O alumnado de 6º E.P., traballou simultáneamente sobre dúas noticias publicadas na Voz de Galicia os días 13 e 20 de decembro. A finalidade era abordar un dos bloques das áreas de Lengua e Lingua, a alfabetización mediática e informacional, localizando, seleccionando e contrastando a información de distintas fonte. Fixeron dous grupos para que cada un traballara sobre unha das noticias. 

Para secuenciar a actividade, anotaron nun folio os pasos que debían seguir: 

a) Ler

b) Esquematizar

c) Ampliar

d) Distribuír o texto e memorizar

e) Expoñer oralmente. 

Feita unha primeira lectura individual, foron marcando as ideas fundamentais que lles axudaría a elaborar  un esquema de toda a información.

A coordinadora de cada grupo foi escoitando e consensuando as ideas aportadas por todos os membros, de forma que poideron anotalas elaborando un esquema conxunto. 

Logo decidiron que aspecto da noticia lles interesaba ampliar e buscaron información en varias páxinas web para contrastar o contido e confirmar que este era veraz. 

Finalmente, repartiron toda a información para memorizala e expoleña oralmente diante dos demais compañeiros e compañeiras da clase. 

Preme na imaxe para ver a actividade.